SDHK No: 2553

Omnibus presentes litteras inspecturis Magnus. waldemari quondam filius vices legiferatus gerens ostgocie(1) et joarus birgersson(2) salutem in domino Tenore presencium constare volumus omnibus euidenter quod die lune lincopie proxima post dominicam letare. que dicitur laghthingxmanadagher, in presencia nostra constituti. sweno gener discreti viri domini Olaui canonici lincopensis et vxor sua katerina amita eiusdem domini O. Necnon et liberi eorum videlicet petrus. geruatus et Jngerunis(3) recognouerunt publice(4) et expresse consensum suum voluntatem et assensum dedisse penitus. vt dictus dominus O. de bonis suis omnibus que sibi paterna uel materna successione aut titulo donacionis aut empcionis seu eciam causa profecticia aut aduenticia uel eciam quouis alio modo prouenerant(5) possit libere testari. donare. et ad libitum voluntatis ordinare, Renunciantes in hiis omnibus et singulis excepcioni doli mali in factum. Condicioni indebiti omni iuris auxilio canonici et ciuilis specialiter iuri. generalem renunciacionem non valere ac omnibus aliis(6) iuris et facti excepcionibus dicta bona iure hereditario aut quolibet alio modo uel genere exigendi petendi. calumpniandi. impetendi necnon et de cetero reuocandi. Ad horum igitur euidenciam pleniorem sigilla nostra vna cum sigillis dominorum kanuti jonsson illustris regis sweorum dapiferi. Rørici birgersson(2) necnon et øiari niclisson.(7) jngolphi de awrstadhum.(8) guthormi(9) dicti kryl et hultonis de myklaby(10) vna cum sigillo consulum lincopensium qui huic facto vna cum multis aliis fidedignis interfuerunt. presentibus sunt appensa Datum et actum die et loco supradictis Anno domini MCCCXIII.