SDHK-nr: 3574

Omnibus presens scriptum cernentibus, karolus bendiczsson, salutem in domino sempiternam, Ne quod veritas approbat, a posteris in dubium retrahatur, uiuaci tamen solet testimonio infulciri, Nouerint vniuersi, quod quesitis et abditis testimoniis fidedignorum, bona in rønde cum adiacenciis, per me aliquot tempore impedito [d.v.s.: - ta] minus iuste, Reuerende domine et deuote, domine ramfridi abbatisse in rysæberghum, nec non et conuentui eiusdem monasterii restituo et refundo, per me vel per meos heredes, seu per alios nequaquam in posterum impetenda, Ne igitur sibi vel conuentui prefato calumpnia aliqua, seu suspicionis nota, propter peruersorum maliciam vel vite breuitatem, processu temporis valeat suborriri(!), presentes sigilli mei, nec non et dilecti generis mei karoli magnusson, munimine duxi roborandas, Datum Anno domini, M°, CCC°. XXVIII, fferia sexta Natalis domini.