SDHK-nr: 174

Consecracio & dotacio ecclesie cripte Item. Fundacio quarundam prebendarum per dominum ascerum archiepiscopum Et donacio quorundam bonorum ad mensam communem canonicorum per eundem.Notum sit omnibus tam futuris quam presentibus. quod ego Ascerus. sancte Lundensis ecclesie archiepiscopus. dedicaui criptam maioris ecclesie in ciuitate Lundensi jn honorem sancti Johannis baptiste omniumque patriarcharum ac prophetarum christi Anno dominice incarnacionis. MCXXIII. jndictione prima. pridie kalend. julii. Et quas curias. quos mansos. que predia quas denique possessiones eidem ecclesie proprias dederim ad vsus fratrum. omnibus qui aderant in eadem ciuitate notum feci Et vt sciant tam posteri quam presentes. easdem curias & possessiones in huius descripcionis pagina propriis vocabulis notare curaui Curiam wesum habentem II mansos Curiam aby. habentem VI mansos & dimidium. Curiam in hambri. habentem mansum & dimidium Curiam werpingi. habentem mansum & molendinum. Curiam frithuthorpi. habentem mansum integrum. Curiam gyrthisheog. habentem IIII:or mansos Et curiam heruistathum in manso fratrum. Item statui prebendam. cui pertinent VII mansi & dimidius In villa raby IIII mansi & dimidius Eskilstorp. mansus. Isheogi, mansus Item. prebendam constitui. cui pertinent burgaby. III mansi Simbrose. II mansi soluentes quadraginta solidos. III marce de debito ciuitatis & insule. Has omnes terras conquisiui multo labore Quasdam emi satis preciose a cognatis meis vel familiaribus Quasdam comparaui. terris mihi pertinentibus Alias dederunt quidam boni viri pro animabus suis & proximorum suorum. quas tamen iterum integra empcione comparaui a proximis heredibus eorum. Legittimo ergo jure conquisiui eas multorum testimonio Et licet collata essent vel potius mea conquisicione & opera pertinerent ad sedem episcopatus. ego tamen propria auctoritate contuli eas fratrum vsibus jta vt nemo eas fratribus alienare presumat. nisi velit anathemati subiacere. quod proprio labore contraxeram eas. Et alias multo plures quam susceperim. successoribus meis relinquo In nomine igitur iesu christi. auctoritate Dei omnipotentis & beati petri apostolorum principis & nostra. omniumque episcoporum Dacie. jnterdico & prohibeo. ne aliquis, prenominatas possessiones minuere presumat. aut aliqua occasione. fratribus quibus eas contuli. diripere vel alienare. Quicumque vero siue rex siue episcopus. clericus vel laicus contra hanc nostre confirmacionis paginam agere presumpserit. & prenominatas possessiones invadere. diripere. vel fratribus alienare temptauerit. secundo. ((terciove)) commonitus. si non satisfactione congrua emendauerit. ab omnipotente Deo sit anathematizatus Auctoritate omnium sanctorum excommunicatus. omnium clericorum confirmacione maledictus A matris ecclesie gremio segregatus. Ab omni populo ((confundatus)) Cum dathan et abiron in inferno. penis eternalibus afficiatur Amen Fiat. fiat. fiat. Amen Omnibus autem eidem loco bona conferentibus sit misericordia & pax & gracia domini nostri iesu christi. nunc et in futuro Amen Acta est hec descripcio anno domini MCXXXIII. jndictione XI. VII jdus januarii Consilio et ammonicione domini eskilli eiusdem ecclesie prepositi Auctore domino nostro iesu Christo. Cui est honor et gloria in secula seculorum Amen.