SDHK-nr: 2693

Omnibus presentes litteras inspecturis Waldemarus dei gracia dux sweorum, Salutem in domino sempiternam, Constituti Jn presencia nostra vir nobilis dominus birgerus pætersson consiliarius noster predilectus ex vna parte, discretique viri jon Jonsson et joan dyakn nomine coniugum ipsorum, necnon matrona elena de windistenum et petrus lokker, ex altera, dissensionem quandam, super aliquibus predijs post dominam katerinam de stenungum relictis, inter eos subortam, coram nobis proponebant, Supplicantes nobis humiliter et instanter, quatinus huiusmodi prediorum inter partes predictas discordiam prout nobis expediens videretur sopire dignaremur, Nos igitur justis eorum postulacionibus inclinati, ex vtriusque partis beniuolencia pariter et assensu, supradictos homines concordauimus in hunc modum, quod dominus birgerus pætersson predictus, Curias ekiby in laaza et arnaberghæ, cum omnibus suis adiacencijs mobilibus et inmobilibus sicut eas nunc tenet et possidet, habeat, disponet et ordinet pro sue libito voluntatis, Reliqua vero pars videlicet joan Jonsson et jon dyakn, matrona elena et petrus lokker predia ad ipsos Jn stenungum spectancia, cum omnibus et singulis que spectant ad illa, teneant et possideant pleno Jure, Jn cuius rei testimonium sigillum nostrum presentibus est appensum, Datum stokholmis Anno domini millesimo CCC° XV°. jn octaua beati Laurencij martiris.