SDHK-nr: 2631

Omnibus presentes litteras inspecturis. Waldemarus dei gracia dux sweorum, salutem in domino Nouerint vniuersi. quod Nos damus et concedimus Exhibitorem presencium. dominum Byrgerum Paterson legiferum vplandiarum, liberum penitus et quittum, ac collectores alios cum eodem Super Collecta, vnius solidi de qualibet marcha nuperrime imposita. ab omni compoto et raciociniis nobis aut nostris heredibus in posterum faciendis, quam quidem collectam in septimana ante festum apostolorum Symonis et jnde ex mandato nostro collegit et ad placitum ac voluntatem nostram tunc temporis ibidem Exhibuit et persoluit nostro nomine prout gerimus nos contentum Jta quod nec ipse, sui heredes aut concollectores, nobis aut nostris heredibus, de tunc collectis et ibidem expositis ad vlteriorem compotum teneantur. Jn Cuius rei Testimonium sigillum nostrum presentibus est appensum. Datum stocholmis. Anno domini Millesimo, CCC° XIIII:to, jn vigilia apostolorum Symonis et jude predictorum.