SDHK-nr: 8524

Wi vicke mølteke ghelleker to schone . kersten kule houetman (a-) des Slotes(-a) to Aleholm . ywer nickelson . vnde Olaf bornsson Riddere . bikennen openbare in dessem breue . Dat wi van vses heren weghene Des koninghes van Denemarken vnde sines Rikes . mit den steden bi der zee . der dudesschen hense . hebben ghesproken vm den tollen . den men nicht vorhøghen scal . Mer holden in desser wise . also hir na steyth gescreuen . Schepe de vmmelant seghelen . de scolen geuen to tollen . eyn iewelik schip . x . schillinge(b) grote . vncie achte(c) grote vor schip vnde allent(d) dat dar inne is . Vortmer . Honich . botere . spek . talch . vnde alle vetghud . we dat van deme lande vøret . de ghift vor dat schippund to tollen . een(e) ore penninghe . vnde nicht mer . na der stede segghent . dar segghe wi van vses heren des koninghes vnde sines Rikes weghene . iiij . grote . CE Vortmer vor ene(f) tunnen vleisches . x . penninghe sconisch . dar segge wi . ij . grote . Vortmer vor de last Haringhes . x . penninghe lubisch . Vortmer vor den deker ossenhude . x . penninghe schonisch . (g-) dar segge wi . x . penninghe lubisch . vor den deker kohude vif(h) penninghe schonisch .(-g) dar segge wi . vif(i) lubische penninghe(j) . Vortmer vor de schimmesen . j . artich . dar segghe wi . x . penninghe(k) lubisch . Vortmer vor een(1) perd . ij . artich . dar segghe wi (m-) vor . j . perd(-m) iiij . grote . vnde vor . j . veltperd . ij . grote CE Vortmer vor ene (n ) iewelke packen wandes . j . artich . Dar segghe wi (o-) van ener iewelken packen wandes se si grot eder cleyne(-o) . iiij . grote . Vortmer vor de last soltes . ij . artich CE Vortmer we se gud vp dat lant vøret . vnde dat sulue dar weder af voret vnvorcoft . de scal men haluen tollen geuen . Vortmer wat gud men (p-) in dat(-p) lant vøret vppe waghenen ouer de ammen . scal iewelik waghen vor gud vnde vor waghen geuen to tollen . j . artich vnde nicht mer . Vortmer alle schotware(q) vnde lude de synt vri (p-) van tollen(-r) . Dar segghe wi to . v . lubissche penninghe(s) . Vortmer alle gud dat vppet land nicht en kumpt . eder van dem lande nicht geschepet wert . schal tollen vri(-t) wesen . Dar segghe wi van vses heren (v-) vnde sines Rikes weghene(-u) to . Were dat eyn bønik gebroken worde(v) in den schepen . dat gud dat men vpschepet . vnde dat in den schepen blift scal haluen tollen geuen . Dessen tollen dar de stede vnde wi ane vppe eyn ghedreghen hebben . de scal dar bi bliuen . Mer den tollen dar de stede vnde wi . ane entwey dreghen . den ne gheue wi nicht ouer . Mer de dorluchtende barnym herteghe to Stetyn vnde vorste van Ruyen de heft sik des vnderdaan vnde vnderwunden . dat he mit vsem heren dem køninghe dar vmme spreken wil . dat de (x-) toln minret vnde maket werde(-x) dat he drechtlich sy . vnde dar wille wi to helpen des besten des wi moghen . Jn ene tuchnisse desser dinch et Cetera .