SDHK-nr: 2525

Omnibus presentes litteras inspecturis. Nicholaus miseracione diuina Archiepiscopus vpsalensis, salutem in domino sempiternam. Nouerint vniuersi Qui [Quod] cum nobiles viri, Dominus Magnus Gregorisson, ex parte vna, et Dominus Folko Jonsson, ex parte altera, nobis et venerabili fratri nostro, Domino fratri Jsraeli Episcopo Arosiensi, et Dominis Mathea Kætilmundo[d.v.s.: -dason] et Carolo Tydiskæ, Sigmundo Kieldorson], et Nicholao Joansson negocium super hereditate Petri Magnussons, tam in bonis mobilibus quam immobilibus, quod inter ipsos vertebatur commisissent terminandum, Promittentes, ex vtraque parte, fide media, ratum et gratum se habituros, quidquid per nos predictos insimul, in predicto negocio diffinitum fuerit atque factum, vt ipsorum littere super hoc foveatur [d.v.s.: confecte?] continent evidenter, nos prouida deliberacione et tractatu super premissis habito [d.v.s.: -is], vt inter ipsos foueatur, taliter predictum negocium, tam super bonis mobilibus, quam immobilibus, quam eciam super actionibus in placitis, et quibuscumque alijs presens negocium tangentibus diffiniuimus, et pronunciauimus, in hunc modum, Quod dominus Magnus debet habere duas partes, et Dominus Folko terciam partem, de terra hereditaria, dicti Petri in Swecia, in Sudermannia viro predicto [d.v.s.: vero predicti?], totam terram de hereditate dicti Petri debent condiuidere ex equali. Jn cuius rei Testimonium, sigillum nostrum, cum sigillis Domini Jsraelis Episcopi, Magni Gregorij, Sigmundi, et Domini Caroli predictorum presentibus [est appensum]. Datum et actum Anno Domini. M. CCC. XII. X Calendas Novembris.