SDHK-nr: 2670

Omnibus presens scriptum Cernentibus. Jon rørixson perhennem in domino salutem Tenore presencium recognosco, me discreto viro, Sigmundo kieldorsson, suisque heredibus predia mea, videlicet tres oras terre in kysinge parochia skanald cum omnibus adiacenciis predicte terre, silicet, agris, pratis, pascuis, siluis, piscaturis, ac aliis quibuslibet, nullo prorsus excepto, titulo permutacionis prediorum dimisisse. transferens in ipsum sigmundum, ipsiusque heredes, plenum proprietatis jus et directi dominij, predia predicta, habendi, regendi, dandi, vendendi, commutandi, alienandi, seu quolibet alio modo pro libito sue voluntatis libere ordinandi Jtem jdem sigmundus kieldorsson mihi pro prediis antedictis, duas oras terre in æbbærydh sitas, et quindecim marchas denariorum, swecie monete nunc currentis, assignauit. sed ne qua inposterum super hoc facto possit vel debeat suborriri calumpnia, testes huius facti sunt, discreti viri, Elauus viceaduocatus stokholmie, ceterique ciuitatenses ibidem, quorum sigilla presentibus sunt appensa, Quia sigillum proprium non habui nec possedi. actum et datum. anno. domini. M°. CºC°CºXV° die beati ambrosij Episcopi.