SDHK-nr: 9120

IN nomine dominj Amen . Ego Wenemarus buchorn . ciuis in sundis . Sanus corpore . sensuum et racione / ’benedictus deus . Si morte preuentus fuero in hunc modum preordino meum testamentum . Primo commendo ’ animam meam omnium creatorj . Dans anime mee ob salutem . Primo ecclesie beate marie virginis in Sundis . decem ’ marcas denariorum . ad structuram .. Jtem do ecclesie beate marie Magdalene . Centum marcas denariorum . ad structuram . Pro quibus ’ cingulus meus argenteus melior(a) debet vendi . et si defectus fuerit in illo . hic de alijs clenodijs meis argenteis debet adin-’pleri . et dicte ecclesie erogari . Jtem do fratribus predicatoribus .x. marcas denariorum . Jtem do fratribus minoribus .x. marcas denariorum . Jtem do ecclesie beati ’ Jacobi .x. marcas denariorum ad structuram . Jtem do ecclesie beati Nicolai .x. marcas ad structuram . Jtem do ecclesie sancti spiritus .v. marcas denariorum . Jtem do ’ ecclesie sancte ghertrudis .v. marcas denariorum . Jtem do ecclesie sancti georgij .v. marcas denariorum . Et ibidem exulibus leprosis in semitis sedentibus ’ .x. marcas denariorum . inter ipsos diuidendas porcione coequali . Jtem habeo quatuor marcarum redditus . in villa Jerkeuitze ’ in quadam curia quam colit michahel . per me emptos . a domino bernardo de dorpen . perpetua empcione prout littere tenent . ’ super hijs confecte . Ceterum habeo in eadem villa . Duarum marcarum redditus . in curia quam colit Arnoldus stamer ’ * Huiusmodi . sex . marcarum redditus . assigno ad vnam perpetuam lampadem . perpetuo tempore ardendam . in cappella domini ’ mei Thiderici . albi bertoldi . bone memorie . in ecclesia beate marie in sundis . Jtem lego sorori mee Elizabeth . Centum . ’ marcas denariorum . et cuilibet puero eius . quinquaginta marcas denariorum . Jtem lego duabus puellis . filiabus thidemanni los . in ’ claustro existentibus . Cuilibet decem florenos lubicenses . earum vita durante annuatim . Mortua vero vna . extunc ’ .x. floreni . ad meos heredes diuertentur . Ambabus vero mortuis . dicti .xx. floreni . ad meos heredes diual-’uentur . Jtem lego pueris Arnoldi Wasschard . Cuilibet decem marcas denariorum . Jtem lego domino Hinrico de pothe . ’ meo capellano .x. marcas denariorum . Jtem lego ad vnum preparamentum missale .vj. marcas puri argenti . de meis clenodijs argen’teis recipiendas . Jtem lego domino Alberto buchorn . fratri meo . domum meam quam inhabito . in platea semelowenstraten ’ Cum suis pertinencijs . quam emi cum meis propriis bonis . acquisitis . prout in Registro ciuitatis continetur . Si vero ’ vxor mea et heredes mei . melius . et pingwius ius . ad ipsam hereditatem habere dinoscuntur . Extunc ipsa vel ipsi . ’ dicto meo fratri . Mille et quingentas marcas . Sundensium denariorum . pro dicta hereditate . de eorum bonis erogabunt . Jtem do .’ dicto meo fratri . quitam . omnem societatem inter nos mutuo stantem . Jtem lego specialiter filie mee Hilleken . stupam ’ meam sitam . ante spittalesdor . Cum duobus jugeribus agri . et singulis suis attinencijs . prout ipsam dominus thidemannus ’ albi bertoldi . liberius habuit et possedit . prout in libro ciuitatis plenius continetur . Jtem lego eidem . vnum monile ’ aureum . in quo saphirus continetur . Jtem lego ghesen vxori mee dilecte . domum angularem . in knepestrate ’ sitam . et aliam domum apud illam stantem . quam nunc in habitant penestici . Et cum hoc lego eidem xxx. marcarum ’ redditus . ad tempora vite sue . Post obitum vero eius . dicti .xxx. marcarum redditus . meis heredibus remanebunt’ * Hijs debet esse contenta . et ab omnibus bonis separata . Jtem . do . filio meo Alberto . cum omnibus alijs pueris meis . de ’ latere meo procreatis . bona mea in Jerkeuitze . sicut iacent . Cum omnibus distinctionibus . terminis et attinencijs ’ vniuersis . prout dominus thidericus Albi bertoldi . bone memorie liberius possedit . et ego post eum possederam . Et ’ veluti Ciuitas stralessundis . est a principibus Ruye dotata . videlicet . quod omnia bona . ad spacium vnius ’ miliaris . per circulum . a ciuitate Sundensi iacencia . ex vtraque parte aque salse . sunt tam libera . ac si iacerent ’ intra muros stralessundis . Omnia vero alia bona mea . mobilia et immobilia . in hereditatibus stantibus . et fundis ’ iacentibus . in sundis . et vbicunque locorum existencia . quibuscunque vocentur nominibus . do et assigno pueris meis . de latere ’ meo procreatis . equali porcione inter se diuidenda . et possidenda . Exceptis duntaxat . in hoc testamento legatis . ’ prius expeditis . Jn prouisores huius mei testamenti eligo . Honestos viros . dominos . Hermannum de Rode . proconsulem . ’ Jacobum swertsliper . consulem . Arnoldum wasschard . Wernerum ghildehus . et gregorium swertingh . ciues ibidem ’ * Cum vero vnus eorum decesserit . extunc alij superstites . debent eligere vnum ex parte mei in locum suum . de latere ’ gladij . quicumque vtilius ipsis videatur . Datum et actum . Anno dominj . Millesimo . ccc . lxseptimo . die beati Laurencii martiris ’ gloriosi . Presentibus . honorabilibus viris dominis . woltero de ozenbruge . et Johanne Jordani consulibus in sundis . A dominis ’ proconsulibus ad hec missis .