SDHK-nr: 5504

Clemens &c. Carissimo in christo filio Magno Suetie Regi Jllustri Salutem &c. Venientes ad nos dilectos filios Magnum de Surundum Lincopensis et Tidemannum Vlfredi Aboensis Canonicos ecclesiarum Capellanos et Nuntios tuos consideratione mittentis et eorum insuper bonitatis obtentu grate recepimus et quia uota tua fili carissime libenter apostolico fauore prosequimur que dicti Nuntij pro parte tua prudenter nobis exponere curauerunt benigne audiuimus et quantum cum deo potuimus exaudiuimus graciose sicut ipsi per quos etiam ad tuam presentiam redeuntes tibi super matrimonio de quo nobis per eos scripseras respondemus Celsitudini tue referre poterunt uiua uoce Ceterum falcones albos et alia Regia munera, que nobis filiali deuotione misisti paterna caritate suscepimus et pro eis Excellentiam tuam tanto plenioribus actionibus prosequimur gratiarum quanto per illa tuum erga nos deuotionis effectum [d.v.s.: affectum] cognouimus ampliorem. Datum Auinione II. Jdus Septembris pontificatus nostri anno Sexto.