SDHK-nr: 5108

Magnus dei gracia Suecie Norwegie ac Scanie Rex, Vniuersis presentes Litteras inspecturis, ac illi seu illis quorum interest seu in futurum poterit interesse Salutem in domino sempiternam Nouerint vniuersi quod sub Anno a natiuitate domini Millesimo Trecentesimo Quadragesimo quinto feria tercia proxima post epyphaniam domini apud ecclesiam Strenginensem in placito nostro iusticiario personaliter constituti exhibitoripresencium domino Borchardo Johannis prebendato in ecclesia Arosiensi et suis posteris ac successoribus, dictam prebendam obtinentibus seu post ipsum occupantibus rite uel tenentibus in futurum, Omnia et singula bona tam in Arosiensi quam Strenginensi diocesibus sila, seu alias ubicumque, applicata prebende supradicte, per venerabilem virum dominum Tydemannum bone memorie olim Canonicum Arosiensem instaurate et fundate, a longis temporibus retroactis, adiudicamus per hanc nostram Sentenciam diffinitiuam perpetuo possidenda, Licet nostra recenter teneat memoria quod olim aliquibus annis elapsis apud ecclesiam Arosiensem in placito publico iusticie debitum impendentes, sentenciam similem, et in eadem uerborum forma tulimus pro eodem, non obstantibus instanciis et excepcionibus per quendam Johannem dictum Hwut de Sudhermannia tunc sicut nunc friuole et frustratorie ac minus veraciter pretensis ac propositis coram nobis de et super quibusdam bonis in Hambre Parrochia Tumbohæradh Strengnensis diocesis dicte prebende diu antea applicatis, Jgitur sub optentu gracie nostre firmiter inhibemus ne quis cuiuscumque condicionis status gradus aut ordinis existat, ipsum dominum Borchardum seu eius successores aut posteros dictam prebendam obtinentes contra hanc nostram Sentenciam diffinitiuam, in dictis bonis ubicumque sitis seu aliquo eorundem, impedire turbare impetere seu molestare presumat in iudicio siue extra, prout indignacionem ef ulcionem nostram regiam dilexerit seu voluerit euitare, Condempnamus insuper omnes et singulos, dictum Borchardum seu eius ut premittitur successores, in premissis de cetero in aliquo, occasione seu pretextu bonorum predictorum impedientes seu turbantes in Quadraginta marchis denariorum monete nostre, fisco nostro Regio applicandis tociens quociens per aliquem ipsorum, antedictum Borchardum seu posteros aut successores eiusdem turbancium uel infestancium seu impediencium quibusuis uerborum coloribus siue formis fuerit contrafactum Datum sub sigillo nostro ad causas, Anno loco, et die prenotatis.