SDHK-nr: 7342

Omnibus presens scriptum cernentibus Tosto Birgersson, Olavus Dyækn prefectus Norræ Hallandie, Jon Oddosson, Laurencius Værndsson(1) , Gunno Prighæ, Bero Niclisson, Olaus Gren, Thorstanus Bikmulæ, Haquinus Gudstavi, Byrgerus Wallingh, Haquinus Hofman, Halvordus Faber, Erlandus et Sweno Salassöner in Domino salutem sempiternam. Constare volumus universis nos sub anno Domini MCCCLVIIIº quarta feria post dominicam Quasimodogeniti in placito provinciali Kindh affuisse et fæsthæ exstitisse, quod vir discretus Nanno Abiornsson terram suam in Wikum in parochia Bardhæ cum omnibus ejusdem terre pertinenciis pro terris Siggonis et B[e]næ(a) in Modstorp ipsis p[ertin]entibus(b) in parochia Hildærydh sitis cum singulis predictarum terrarum adjacenciis, quocumque nomine concluduntur(2) , commutavit et ad manus assignavit, et predicti videlicet Siggo et B[e]næ(c) in antedictum Nannonem Abiornsson super terras in Modstorp jus proprietatis et possessionis perpetue secundum leges patrie et formam juris et Nanno Abiornsson in predictos Siggonem et B[e]næ (d ) super terras in Wikum jus proprietatis ut prefertur referebant. In hujus rei testimonium sigilla nostra, videlicet Thostonis Byrgersson, Olavi Diækn, Jon Vddosson, Laurencii Værndsson, Gunnonis Prigæ, Beronis Niclisson, Olavi Green et Thorstani Bigmulæ (e- ) sunt appensa(-e) . Scriptum die et loco supradictis.