SDHK-nr: 5083

Omnibus presens. scriptum. cernentibus, Nicholaus curatus ecclesie rytro, salutem in domino sempiternam, Nouerint vniuersi per presentes, Me vna cum perso[nis] infra scriptis, videlicet, Jngimaro in thoristum, rawaldo in syltum, Fynwido magnusson [kar]olo in thygbele, laurencio in hesleby, ragnero langæ, andrea in helleby, haquino [in] thyngbolstum, Stephano in horne, Johanne olafsson, et laurencio in fyholme, testem seu firmarium, wlgariter dictum fastæ, specialiter affuisse, super concambio terrarum, inter nobilem militem, dominum anundum fynwidhson, et olawm holuastasson, hoc modo facto, videlicet. quod. ipse dominus. Anundus, eidem olauo, pro terra sua, quam in horne possidebat, denarium pro denario, et solidum pro solido, in villa thoristum equaliter et puplice assignabat, Addens sibi racione muneris placacionis, dicti vildæ, hec que secuntur, scilicet vnum solidum terre, in villa thoristum predicta, dimidium solidum terre in valby, tres centenarios annone, tria pondera feni, vnum vectigal, et vnam vaccam, Jn hiis vero dictus olauus. plenarie, et sufficienter reddidit se contentum, Jn cuius. rei testimonium sigillum meum, premissis sigilla non habentibus, presentibus est appensum, Datum Anno domini. M° CCC° XL° quarto die beate lucie virginis. et martiris gloriose.