SDHK-nr: 4886

Omnibus presens scriptum cernentibus Anundus finwydhsson illustris regis swecie noruegie et scanie marskalcus. necnon et gunnildis hæmingxdoter eius consors in domino salutem sempiternam. Nouerint vniuersi per presentes nos religiosis dominabus domine abbatisse totique conuentui in monte beate virginis terciam partem predii nostri in villa thræuingæ parochia slææm dyocesis strengenensis cum singulis attinenciis prope vel remote positis. nobis ex parte illustris regis domini magni swecie legaliter per patrie leges adiudicati, racione commutacionis seu concambii. inter bos habita et peracta. sicuti littere nostre plures astestantur(!). sub vere collacionis titulo dimisisse iure perpetuo possidenda. Tali constitucionis vel condicionis articulo prescripto. si pars dicti predii pro eisdem, ab aliquibus status cuiuscumque inpediri aut quouismodo contigerit infestari. At tamen concambium inter nos habitum in villa horn parochia rytro, et træquistæ parochia ascanæs, et byuxta in parochia harum nequaquam potest reuocari. Si autem aliquomodo reuocetur concambium predictum. ex tunc pro illius concambii irritacione prefatis dominabus. in aliqua recompensacione satisfactionis nos obligari specialiter ac finaliter abnegamus. Jn cuius rei testimonium firmius sigilla nostra presentibus sunt appensa. Scriptum anno domini. M°. CCC°. XL° tercio dominica trinitatis.