SDHK-nr: 4334

Omnibus presentes litteras jnspecturis. Karolus magnusson. salutem in domino sempiternam. Recognosco per presentes. Me venerabili patri. Domino Styrberno dei prouidencia episcopo strengnensi. quatuor solidos terre jn aby. et viginti duos denarios. jn bierghum. parochia vikingaker. cum agris. pratis. siluis. pascuis. nemoribus. piscariis. molendinorum locis. ac omnibus aliis et singulis adiacenciis. et dependiciis vniuersis. infra sepes et extra, longe vel prope positis, nullo prorsus excepto. iusto empcionis titulo dimisisse. Abdicans a me et meis heredibus in posterum, omne jus proprietatis et directi dominii. in memoratis bonis habitis [d.v.s.: - lum] vsquemodo. et in ipsum dominum episcopum et suos heredes transferens iure hereditario perpetuo possidendos. Dans eidem auctoritate presencium plenariam facultatem. dicta predia occupandi. possidendi. vendendi. alienandi, commutandi. ac alias pro suo placito quomodolibet ordinandi. Jn cuius testimonium sigillum Nobilis militis domini karoli bendictzson. vna cum meo peto presentibus apponendum. Datum Anno domini. M°. CCC°. XXX.(0) . septimo. dominica passionis.