SDHK-nr: 6904

Omnibus præsens scriptum cernentibus Nicholaus Dannes miles, Benedictus Benctsson, Arwidus Pethersson et Tuko fratres salutem in Domino sempiternam. Nouerint vniuersi nos anno Domini m(!) 1355 in profesto natiuitatis beatæ virginis cum venerabilibus dominis et viris discretis Halstano Pätharsson milite, Iacobo....(1) Vexionensis, Petro Brynolphi canonico ibidem et Magno Gregorisson et aliis quam plurimis fidedignis in sacristia ecclesiæ Vexionensis conuense (C: conuentos) super negotiis nos et nobilem dominam Rangfridem, vxorem quondam domini Caroli Tukasson, tenentibus specialiter decremandis (C: decernendis) conuocatis(!), vbi negotiis nostris dominæ Ranfridi prædictæ plenarie expentis (C: expositis) nobis cum cognatis et amicis discrete respondebat, quare de discretione sua et petitione honorabilium dominorum et virorum præscriptorum legitime ipsæ Dominæ Ramfridhi asumsum (C: assumptum) nostrum et benevolentiam vnanimiter dedimus super bonis mobillibus in Ballaby, sibi per eundem dominum Carolum ratione testamenti collationis irreuocabiliter [donatis], et in quibuscunque rebus seu clenodiis fore dinoscuntur, sicut in litera super his confecta plenius continetur, addito, quod bona mobilia in bonis prædialibus ubicunque locorum sitis salua ex parte nostra teneat et intacta, de bonis empcionalibus per eundem dominum Karolum epciti (C: emptis) tertiam partem percipiet, vbicunque huiusmodi bona inueniuntur, nisi (C: sicut?) per leges patriæ prædictam sufficimus defensare. In huius rei euidentiam sigilla nostra vna cum sigillo domini Halstani Päthersson ex parte domini Gostaui Ambirzsson præsentibus sunt appensa. Datum Wexsio die et anno supradictis.