SDHK-nr: 4266

Omnibus. presens scriptum. cernentibus. Magnus. dei gracia Rex swechie. Norwegie et skanie. salutem jn domino sempiternam. Cum quidam. vt jntelleximus. jn silua. que Rudhaskoghæ dicitur. quam quedam domina helena pætersdotter. pro vsibus conuentus sanctimonialium. jn Rysæbyerghum. donasse dinoscitur. Siluam exstirpando. ac agros jnibi colendo. mansiones. et habitaciones. dictas wlgariter bool sibi receperant ac edificia construxerant. Racione. quarum mansionum. habitacionum. seu agriculturarum. nobis de jure. ad quasdam. soluciones et pensiones pecuniarias. annuas. obligantur,, Nos. abbatisse et sanctimonialium. conuentus predicti. jndigencia pensata. ac jmpensa. nobis grata earundem. sanctimonialium seruicia. ad animum merito reuocantes. omnes et singulas obuenciones. pensiones. et soluciones. cum quibuscumque. juribus nostris regiis. nobis debitas. ab omnibus et singulis dicte silue Jncolis. qui agros jbi. iam coluerant. et mansiones. sibi receperant. ac coluerint. vel receperint huiusmodi. exnunc perpetuo jn futurum, ad vsus. et subsidium. predictarum abbatisse et sanctimonialium. Jn anime nostre. ac progenitorum nostrorum. remedium. donacione perpetua. damus concedimus. assignamus et dimittimus, per. presentes,, Prohibemus jgitur sub obtentu gracie nostre firmiter et districte. Nequis. aduocatorum. exactorum. officialium. seu subditorum nostrorum. aut alius quicumque cuiuscumque condicionis. vel status. predictas. abbatissam. seu sanctimoniales. jmpetere grauare vel molestare presumat. contra. donacionem nostram predictam., quo minus. ipse. de prefatis dicte silue Jncolis. supradictas. pensiones. soluciones. et jura nostra exigere. et leuare. ac eisdem libere vti valeant et gaudere,, Prout Jndignacionem dei omnipotentis. et condignam regie vlcionis vindictam voluerit euitare. Datum. stokholmis. anno. domini. Millesimo. CCC° XXXº VI°. Jn festo beate marie magdalene Coronacionis nostre anno primo.