SDHK-nr: 10597

Jn ‧ nomine Domini amen. Anno a natiuitate Eiusdem Mº cccº lxxº quarto ‧ jndiccione tredecima ‧ pontificatus sanctissimi jn Christo patris et domini ‧ domini Gregorij diuina prouidencia pape vndecimi anno quarto. Nouerint vniuersi hoc presens publicum jnstrumentum visuri, lecturj seu auditurj ‧ quod in presencia mei ‧ notarij publici et testium jnfrascriptorum ‧ venerabili in Christo patri et domino ‧ domino Birgero permissione diuina archiepiscopo Vpsalensi ‧ constituto ‧ personaliter jn loco, qui dicitur Ragnholmsundh parrochie Silanger jn prepositura ‧ Mædhalpadha ‧ septima die mensis Octobris ‧ hora vesperorum vel quasi ‧ obtulit et presentauit ‧ Henricus Dyækn / de Sunda, parrochianus ecclesie Silanger predicte, vicelegifer in Mædhalpadha jn Hælsingia sue dyocesis ‧ quendam librum legum terre Hælsingie ‧ approbatum per dominum Magnum regem / ad quem ‧ ab omnibus illius terre jncolis, quorum causa agitur ‧ quando dubium super aliquo oritur ‧ vel a judicibus appellatur / generaliter ‧ et solummodo refugitur / cui statur / ^a‑ Hopskrivet ms. Qui quidem^‑a liber ligatus est catenis ferreis quatuor vlnas ‧ cum quartario continentibus ‧ et solet continue fixus et ligatus esse predictis catenis ‧ jn ecclesia Silanger predicta / sed ad instancias ‧ et mandatum ipsius domini archiepiscopi ‧ jam ad locum supradictum ‧ cum predictis catenis extitit deportatus / Jn quo quidem libro ‧ videlicet prope eius finem, jn principio paragraphi vltimi ‧ videlicet quintodecimi ‧ jllius rubrice, que dicitur thingmalabalkir ‧ scripta sunt hec vocabula de verbo ad verbum ‧ eiusdem littere et manus sicut totus liber / ^1‑Hälsingelagen, Rättegångsbalken (= tingmålabalken) XV; se C. J. Schlyter, Saml. af Sweriges Gamla Lagar VI (1844), s. 93 och Å. Holmbäck–E. Wessén, Svenska landskapslagar III (1940), s. 398. Slutet av citatet lyder i Schlyters utgåva: þa a norikis konunger for wæstan ok synnæn. æn swerikis konunger for östæn. ok norþæn. Jfr även DS nr 8665 med not 1-1.Swa skiptis landum twæggia kununga ‧ mællum ‧ at Swerikis oc Norighis ‧ byrias ‧ j ‧ Vlothræski oc ledhir vt ‧ j ‧ Ismæ xv vikna langæn ‧ þa a Swerikis kunungir væstæn oc sunnæn ‧ æn Norighis kunungir østæn oc nordhæn^‑1 / Viso siquidem et lecto huiusmodi articulo jn presencia quorum prius videlicet testium infrascriptorum / requisiuit jdem dominus archiepiscopus me notarium ‧‧ predictum ‧ et petiuit a me super hoc publicum sibi fieri instrumentum, quod eidem concessi, prout potui et debebam. Acta sunt hec anno, indiccione, pontificatu, die, hora et loco quibus supra / presentibus nobili viro Finwido Finwidhson ‧ consiliario regni Swecie ‧ necnon honorabilibus viris / dominis / Olauo in Skøn preposito in Mædhalpadha ‧ / Ewardo de Arnæs / Magno de Tunum / ecclesiarum curatis dicte prepositure ac Henrico Dyækn ‧ vicelegifero memorato ‧ / testibus ad premissa vocatis ‧ specialiter et rogatis ‧ / quorum sigilla peciit jdem dominus archiepiscopus hiis presentibus apponi in testimonium premissorum.

Notariens märke:

Ego vero Olauus Nicolai ‧ presbiter et curatus ecclesie Tyllinge dyocesis Vpsalensis publicus auctoritate apostolica notarius predictis oblacioni et presentacioni ‧ ac lecture dicti paragraphi ‧ quem legi, vidi et perspexi non rasum, non abolitum nec cancellatum sed fuit eiusdem manus et littere ‧ cuius totus liber ‧ ne[c]non^b  nenon ms. sigillorum peticioni et apposicioni ‧ ac omnibus aliis, dum sic agebantur, presencialiter interfui, de quibus notam recepi ‧ Quam in hanc formam publicam redigi et scribi feci per manum Andree Beronis / me ex certa et racionabili causa protunc impedito ‧ meoque signo solito signaui et me subscripsi requisitus et rogatus per memoratum dominum archiepiscopum jn fidem et testimonium premissorum.