SDHK-nr: 2779

Johannes episcopus seruus seruorum dei Dilectis filiis. Electo et capitulo vpsalensi et aliis ecclesiasticis personis per Regnum Suecie constitutis Salutem. et apostolicam benedictionem. Vota vestra fauore beniuolo prosequentes infra scripta priuilegia vobis et ecclesiis vestris per carissimum in christo filium nostrum birgerum Swecie regem illustrem super nonnullis iuribus et libertatibus ac immunitatibus concessa per dilectum filium nostrum Gaucelinum tituli sanctorum Marcellini et petri presbiterum cardinalem Sancte Romane ecclesie vicecancellarium inspici fecimus diligenter et quia idem Cardinalis inuenit ea omni vicio et suspicione carere prout ipse nobis retulit oraculo viue uocis, cuius relacioni in hac parte fidem plenariam adhibemus Nos priuilegia supradicta et que continentur in eis, rata et grata habentes ea auctoritate apostolica ex certa sciencia confirmamus et presentis scripti patrocinio communimus Tenores autem priuilegiorum predictorum vt de ipsis in posterum certitudo plenior habeatur, de verbo ad verbum presentibus inseri fecimus qui tales sunt Birgerus dei gracia &c. Se föreg. N:o 1459, med de vid detta och föregående N:o 1420 i noterna anförda varianter. Jtem Birgerus dei gracia &c. Se föreg. N:o 1472. Jtem .. Omnibus presentes litteras inspecturis Birgerus dei gracia &c. Se föreg. N:o 1796. Nulli ergo omnino hominum liceat hanc paginam nostre confirmacionis infringere uel ei ausu temerario contraire, Si quis autem hoc atttemptare presumpserit indignacionem omnipotentis dei et beatorum petri et pauli apostolorum eius se nouerit incursurum. Datum Auinione. III. Nonas Februarij. Pontificatus nostri Anno primo.