SDHK-nr: 4481

Magnus Dei gracia Rex Swechie Norwegie et Skanie, omnibus presentes litteras inspecturis, salutem in Domino sempiternam, Notum facimus per presentes, quod anno domini 31°. CCC°. XXXº.IX°. sabbato proximo post diem Cinerum, in ciuitate Skarensi, inter nos ex una parte, et nobiles viros Dominum Jvarum Oghmundason, Sighwardum Hafthoresson, Petrum Olafsson, Arnonem Andresson, et Alverum Petersson, ex altera, super inimiciciis et dissencionibus inter nos ortis, in modum, qui sequitur, exstitit placitatum, Jo primis quidem tam nos pro parte nostra, quam predictus Sighvardus pro se, domino Jvaro, et sociis eorum predictis, hinc inde promisimus bona fide, quod inter nos et homines nostros, ac dominum Jvarum Sighvardum et socios eorum predictos, et eorum quemlibet ac famulos ipsorum, usque ad festum natiuitatis beate virginis venturum proximo, secura pax et firma securitas debebit inuiolabiliter obseruari, Nosque ad Castrum nostrum Baghahus, iidem vero dominus Jvarus et Sighurdus, ad villam nostram Konongiella in festo assumpcionis eiusdem beate virginis instante ex nunc proximum, personaliter veniemus, gracia placitandi et finem faciendi de inimiciciis et dissencionibus supradictis, procuraturi interim, tam nos pro posse nostro, quam Sighurdus predictus, quod omnes et singuli consiliarii nostri, ac alii magis precipui, tam clerici quam laici, de regno nostro Norvegie, gracia placitacionis predicte conuenient, et tunc idem promisit insuper Sighurdus, quod Dominus Jvarus, vel ipse, nulla interim castra, fortalitia vel propugnacula, nullasue municiones in Regno nostro eodem, alicubi edificabunt aut erigent, nec alios nostros redditus in Regno eodem aliqualiter occupabunt, promisit eciam idem Sighurdus fide bona, quod ante separacionem nostram et ipsius protunc, castrum nostrum Akærsborgh, quod hactenus occupauerat et occupat, absque difficultate et impedimento quolibet in manus nostras libere resignabit, assignaturus castrum idem infra quindenam a fine placitacionis eiusdem, alicui de regno nostro Norvegie predicto oriundo, cui nobis et consiliariis nostris ibidem, vel maiori parti ipsorum, videbitur expedire, exceptis duntaxat Dominis Findone Oghmundason et Jvaro Oghmundason ac Sighurdo predictis. promisit preterea Sighurdus prefatus, quod per ipsum vel Dominum Jwarum, aut alium quempiam volentem vel facere vel omittere aliquid propter ipsos vel eorum alterum, circa Castrum ipsum infra unum mensem post tradicionem eiusdem, nulla fiet fraus vel violencia committetur. Nos insuper Kanutus Jonsson Osgocie, Kanutus Magnusson Vesgocie, Gytstavus Tunason Vermalandie, Ulpho Guthmaarsson Næricie, Legiferi, Nicholaus Abiornsson, Kanutus Folkason, Karolus Neskonongson, Vlpho Abiornsson, Gyslo Elineson et Karolus Tukason, Consiliarii Domini nostri Regis predicti, vna cum ipso pro predictis omnibus et singulis, promissionem suam tangentibus, inuiolabiliter obseruandis promittimus bona fide, Jn cuius nostre promissionis testimonium sigilla nostra presentibus sunt appensa. Datum et actum Anno die et loco supradictis.