SDHK No: 9110

Albertus Dei gracia sweorum gothorumque rex honorabilibus viris tyderico weregge nicolao ’ kætilson et ernesto de dotzom in domino dileccionem et fauorem * Conquesti sunt coram nobis ’ in presencia dominj patris nostri carissimj et consiliariorum nostrorum presencium exhibitores nuncij ex parte ’ tocius commvnitatis in satagundia ad nos missi quod fortalicium seu castrum . infra ipsorum terminos ’ instauratis(a) ipsis dampnum non modicum generat et grauamen propter quod vt asserunt ipsius ’ terre satagundie inhabitatores non valent onera iuri nostro regio debita vlterius more ’ solito ferre seu supportare nisi ad hoc remedium adhibeatis maturius opperarium(b) * Vnde ’ vos et vestrum que[m]libet(c) seriose et affectanter requirimus et rogamus quatenus huiusmodj fortalicium ’ de loco in quo nunc instauratum est / quamcicius remouentes et funditus annulantes ipsum ’ alibi in bonis nostris regalibus seu corone vbi discrecionibus vestris magis vali[d]u[m] (d ) ’ visum fuerit / Jta quod reipublice non inferat / molestias preiudicia seu dampna de ’ nouo restauretis * Jn quo fortalicio seu castro octo armigeros uel citra pro ipsius et ’ terre defensione sustentare nostro nomine poteritis et tenore * Datum apud portum(e) øra ’ Anno dominj Mccclxvii feria secunda proxima post festum beatorum septem fratrum sub secreto ’ nostro