SDHK-nr: 3164

Omnibus presentes litteras inspecturis, Johannes Dansson, Canonicus strengnensis, salutem in Domino sempiternam. Nouerint vniuersi, quod nobili viro Domino Laurencio Vlffsson Legifero Sudermannie consobrino meo dilecto, predia mea in Swærdinge, terra østgotica sita, cum agris, pratis, siluis, piscaturis pascuis, molendinis et molendinorum locis, infra sepes et extra, prope uel remote positis, ac adiacencijs omnibus pro centum marchis denariorum, monete nunc currentis, vendidam [d.v.s.: vendideram] in numerata pecunia et soluta, aufero sibi(!), mihi prescripta bona, et Domino Laurencio predicto suisque heredibus, in solidum astringo, temporibus perpetuis possidenda. Ablata mihi meisque heredibus in posterum, condicione, quod per me vel ipsos possint vel debeant nullo unquam inuencionis titulo reuocari. Jn cuius recognicionis testimonium, honorabilium virorum, Dominorum. Canuti Jonsson, Svecie et Norvegie Regis Dapiferi. Canuti Magnusson Legiferi Vestgocie exilitum [d.v.s.: militum], et Caruli Dansson, germani, mei dilecti, per cuius consensum hec vendicio facta fuerit, vna cum meo proprio, sigilla presentibus sunt appensa. Scriptum Anno Domini, M. CCC. XX. secundo, in profesto beati Martini Episcopi et confessoris.