SDHK-nr: 4610

Omnibus presens Scriptum cernentibus Johannes Hæmmingson, in domino salutem sempiternam. Tenore presentis nouerint vniuersi, me concambium cum Nobili viro, domino Anundo Finuidason fecisse. sibi suisque heredibus in perpetuam possessionem, vnam marcham terre, solido minus, in Træquistom dimittens. ab ipsoque recipiens Patrimonium dilecte vxoris sue, et sororis mee domine Gunildis videlicet Børsiøas, Grønskæthæ, Kuttomala, et vnam partem in Almeningsøkne, cum omnibus adiacencijs, mobilibus et immobilibus, videlicet, agris, pratis, siluis, pascuis, molendinis seu molendinorum locis, ’ longe vel prope, infra sepes uel extra, positis. expressis uel non expressis, in meum dominium et possessionem ac heredum irreuocabiliter assignatur [d.v.s.: - natum]. Jn cuius rei et actionis testimonium, sigillum meum cum sigillis virorum discretorum fratrum meorum, Nicholai Hæmmingson, Benedicti Hæmmingson, et Aruidi Hæmmingson presentibus feci coapponi. Scriptum Strængnæs. Anno domini M. CCC. quadragesimo, feria secunda proxima post Olaui.