SDHK-nr: 5942

Vniuersis presentes litteras inspecturis Ramfridis Bendictsdotter salutem in Domino sempiternam, Tenore presencium publice protestor me conuentui sanctimonialium claustri Skæningensis coloniam meam in Vallum cum singulis suis attinenciis, pratis, agris, paschuis, necnon siluis, prope vel remote positis, locis humidis seu siccis, secundum leges terre ac scutaciones legitimas, dictas festo, quas viri infrascripti, scilicet Gobelinus et Arnaldus Analdason, ciues Skæningenses, tenuerunt, gracia vnius puelle, videlicet Elene per me a primeue juventutis flore educate, racionabiliter contulisse perpetuis temporibus possidendam, condicione dumtaxat subsequenti, vtputa de obuencionibus et redditibus prescripte colonie annis singulis memorata soror Elena ad vsus suos proprios tres thyniones annone cum tribus oris denariorum diebus vite sue, sororibus non obstantibus, habere teneatur, residue vero septem thyniones cum septem oris denariorum vsibus conuentus prenotati juxta placitum et lybitum perenniter subiacebunt. In cuius rei euidenciam firmiorem ac noticiam cerciorem sigillum nobilis militis domini Karoli Tukason, mariti mei dilecti, necnon sigilla ciuitatensium Skæningensium fastarum scutaciones tenendum prescriptorum vna cum proprio presentibus sunt appensa. Datum et actum Skæningie anno Domini millesimo trecentesimo quinquagesimo feria tercia proxima ante cenam Domini.