SDHK-nr: 4998

Omnibus presens scriptum cernentibus. Joan Hæmmingsson. salutem in Domino sempiternam. Nam [d.v.s.: Tam] iuris racione, quod [d.v.s.: quam] de approbata consuetudine, racionabiliter est inductum, vt ea que geruntur in comparatiue [d.v.s.: lempore ne] simul labanlur cum tempore, redigantur in publica munita [d.v.s.: instrumenta], per que tollatur obliuio, atque commendantur clarius noticie posterorum, igitur constare volo vniuersis tam posteris quam modernis, me omnia bona mea, in ødhatompta, parochie Tolgh dyocesis wexionensis situata, cum omnibus mobilibus et immobilibus, domibus, agris, pratis, pascuis, piscaturis, siluis, locis(!), molendinarum locis, minoribus et maioribus, humidis et matidis, vbique locorum constitutis, infra sepes et extra sepes, nullisque exceptis, quocunque modo extractis adiacencijs et pertinencijs, vbicumque partibus limites et mete se extendunt, secundum omnes condiciones legum Tiehærzlag ac fastarum earundem racione concambij nobili militi, Domino Nicholao Thuræson Exibitis presentem [d.v.s.: exhibitori presencium] suisque heredibus, ad perpetuam possessionem dimisisse. Partem vero sue possessionis iu wæstramark, videlicet octauam partem de wardagra siættung, cum duobus torrentibus nneem [d.v.s.: in Eem] vnum inmediate a Frøboqwarn, qui se extendit, vsque insulam Odensøø, alterum sub monte Førbolijdh, ad meam possessionem, heredumque meorum, subleuabo cum centum marchis denariorum, monete nunc currentis, in prompta pecunia precio quocunque alia post posita et remota [d.v.s.: alio postposito et remoto]. Jn huius rei testimonium et euidenciam firmiorem, sigilla fratrum meorum, Nicolai Hæmmingson, et Domini Arwidhi Hemmingson, Canonici Vpsalensis, vna cum sigillo meo proprio presentibus sunt appensa. Datum et actum Ringwidhhult. Anno domini M. CCC. XL. quarto. in vigilia ascensionis &c.