SDHK-nr: 19194

Anno Domini mcccxxx, infra octavas beati Johannis Baptiste, in curia sacerdotali in Hoby, nobiles viri Steno Nicolai et frater ejus Kanutus Nicolai hereditatem patrimonii inter se diviserunt, presentibus vxoribus vtriusque et domino Mathia curato et tocius Blecundie preposito et comissario, et Kanutus quatuor predia in Albo herrat i Skania in jus hereditarium suscepit, et e converso Steno Nicolai cetera predia et possessiones in parochia Hoby situata in suam partem acceptavit, que omnia de consensu vxoris sue, hustrv Vna, post mortem vtriusque, ecclesiæ parochiali in Hoby et ad mensam sacerdotalem simul pro anima sua et suæ vxoris et vtriusque parentum et liberorum in testamentum perpetuum reliquit, qui post defunctionem sue vxoris obiit anno Domini mcccxLvi in Rotaby sine liberis, cujus corpus ego Kanutus Eskilli, tunc temporis presbiter et curatus in Hoby et tocius Blecungie prepositus et commissarius, domini Mathie proximus successor, in hac ecclesia Hoby juxta vxorem suam ante altare beate Marie virginis in vigilia assumptionis Marie, presentibus hujus provincie sacerdotibus et peractis exequiis propria manu sepelivi tempore Waldemari regis, anno regni ejus quarto, in quo tempore alemani omnia castra et municiones regni Dacie occupabant. Predia, que predictus Steno in testamentum reliquit ecclesie et curie sacerdotali sunt hec: vnum in Moretiwka, duo in Rotaby, tria in Hialmsödhe et unum predium Litlegærde et Molleskowgh, quod solum ad curiam sacerdotalem legauit pro pascua suorum animalium.In elocatione autem prediorum plenaria potestas atque irrevocabile dominium sit penes loci istius pastorem ejusque omnes successores. Reditus autem annuus dimidiabitur ecclesie Hobyane singulis annis.Rymarus, Hobyensis pastor anno mcdxix.