SDHK-nr: 1346

Jn nomine patris & filii & spiritus sancti. Amen. Quoniam varii sunt humane fragilitatis ewentus & terminus mortis omnibus est incertus, necesse est dubios casus certis rationibus preuenire, presertim cum geste rei noticia processu temporis cito tollatur a memoria nisi voce testium, aut litterarum indiciis posteris prebeat viuacis memorie firmamentum. Jnnotescat igitur tam posteris quam modernis quod ego Elisabeth domini geronis quondam filia, de bonis mihi a deo concessis in remissionem peccatorum meorum meum taliter condo & ordino testamentum, Fratribus predicatoribus Siktonie apud quos eligo sepulturam. do curiam meam Løstum cum omnibus mobilibus & immobilibus, Ad fabricam ecclesie vpsalensis vnam oram terre in culambri. Fratribus minoribus østraaros dimidiam oram terre ibidem. Fratribus minoribus in enikopia dimidiam oram terre ibidem. Fratribus minoribus in stocholm dimidiam oram terre ibidem. Ecclesie sancti olaui in siktonia vnam oram terre ibidem. Ecclesie othinsharg vnum solidum terre ibidem. Hospitali in enikopia dimidiam oram terre ibidem. Sanctimonialibus in Foddø duas marchas terre in Bedarnum cum domibus. Sanctimonialibus in Sko octo solidos terre ibidem. Fratribus predicatoribus vestraaros quatuor solidos terre ibidem. Fratribus predicatoribus strengenesie quatuor solidos ibidem. Sororibus apud sanctum martinum skeningie curiam meam twetum in fanø cum omnibus mobilibus & immobilibus. Ecclesie kalmari duos solidos terre & dimidium in Skirlaby. Ecclesie Løth vnum solidum terre in myklaby. Cuilibet sacerdoti ecclesiarum mearum Parrochialium vnam vaccam. Jn cuius donacionis & ordinacionis mee testimonium Sigillum meum, necnon & domini mei Magni illustris Sweorum gotorumque regis, & venerabilium patrum, Domini magni archiepiscopi vpsalensis, Domini Anundi episcopi Strengenensis Domini Johannis episcopi aboensis, Sigilla duxi presentibus firmiter apponenda. Actum Siktonie anno domini M°CC°LXXX°VI. Jnfra octauas nativitatis beate virginis.