SDHK-nr: 15937

Witlich si al den ghennen de dessen bref seen edder horen lesen dat her Joons Andersson rekent hebbe myt myneme leuen broder her Axeln Andersson beyde vmme schult de twischen vns gheweset heft, vnde och vor myn ghut dat he an syner were hat heft, wor vmme zo late ich em ledich vnde loos myt syner eruen vor my vnde mynen eruen, vor alle schult vnde rekenschop de twischen vns weset heft, van der ersten ambegint were in desse stunt, vnde bekenne mich myt mynen eruen an em edder synen eruen nenerleye ansprake to hebben vndernomen xxiiij:or marcæ argenti, dar ich syn ghut vor tho pant hebbe in Schane. To ener meren bethughenisse zo hebbe ich myn inghezeghel henghet vor dessen bref myt ander ghuder l.ude inghezeghel myner vreunde de hir na screuen stan, her Axeln Magnusson, her Nicolaus Krake, riddere. De screuen vnde gheuen is na Ghodes boort, dusent jaar, verteynhunder jaar in deme andern jare, in sante Matheus auende de hilghen apostels.