SDHK-nr: 1935

Omnibus presentes litteras visuris seu audituris Magnus Karlson, legifer Werendie, salutem in Domino sempiternam. Tenore presencium constare volumus singulis euidenter nos curias nostras in Wermalandia Høgh et Ugglusæter domine abbatisse in Wretum pro sepultura sororis nostre Ingiburgis pro centum marcis denariorum exposuisse, tali condicione prehabita, vt ceteri prouentus et redditus dictarum curiarum annuatim secundum estimacionem procuratoris dicte domine et nostram vel heredum nostrorum, si nos, antequam debitum solutum fuerit, discedere contingat, secundum valorem redditus in partibus illis in debito cedant persoluendo. Si autem memoratas curias, antequam debitum persolutum fuerit, rehabere volumus, domina [C: -ne] abbatisse in denariis non solutis tenamur(!) plenaliter satisfacere et curie in meam meorumque heredum redire debeant potestatem. In cuius euidenciam sigillum nostrum presentibus est appensum. Datum in claustro Wretum anno Domini m°ccc° quinquagesimo sexta feria post diem cenerum(!).